Tuder-d ssuma n zzit uzemmur



...

Iɣil Ɛli d yiwet n temnaḍt anda ṭṭuqten mliḥ yiḥerqan n uzemmur, ladɣa imi lqiεan-nsen kkawen, mačči d wid isellḥen i tuẓẓut n ddeqs n tidal, d yigumma. D ayen i yeǧǧan imezdaɣ n temnaḍt n At Ɛebbas s umata, rran-tt i tuẓẓut n yileqqamen n uzemmur. Imi ineggura-a, ttwinniεen deg lqiqan-nsen akken ilaq, yerna ula d lɣella tettili s buhan. Aseggas-a dɣa, yugar wid iεeddan, acku urwent tzemrin d yileqqamen armi celxen. Rnu i waya, ula d lɣella n useggas-a tufrar, meḥsub yiwen n uqenṭaṛ yerra-d armi d 26 n llitrat.

Ula d wid yesεan s buhan, ṣṣawḍen senzen-t d iεeqqayen. Ad d-nesmekti d akken, kilu n llḥeb n uzemmur, yelḥeq armi d 80 n yidinaṛen aseggas-a. S unamek-nniḍen, tuli ssuma-s cwit ma yella nmuqel ɣer useggas yezrin, anda i yenza s 70 n yidinaṛen i kilu. Ma yella seg tama n zzit, d anemgal. Meḥsub tuder-d ssuma-s mliḥ tikkelt-agi. Aṛiḍa, deg kra n temnaḍin yettnuzu s 500 n yidinaṛen kan i litra, ma yella deg tiyaḍ, 600 neɣ 700 n yidinaṛen i litra. Aredmani, yettuṛaǧu ad d-yader deg ussan i d-iteddun,ɣef leḥsab n wid yesεan tarmit deg unnar.

Γef usentel-a newwi-d ameslay akked Dda Ɛetman, d yiwen n ufellaḥ i d-yeggaren aɣrum-is seg lbiε n zzit uzemmur. Dda Ɛetman, iteṭṭef-d iεemmalen n uzemmur, ileqqeḍ-iten. Ayagi, i wakken ad yessenz zzit-nni, ad iεeyyec s yidrimen-is tawacult-is. Dɣa yenna-aɣ-d: « Nekni deg tmurt-nneɣ, ur tettali ara nezzeh ssuma n zzit, acku meḥsub ulac axxam ur neksib ddeqs-is. Aseggas-a dɣa, ad neḥmed rebbi, tella mliḥ lɣella. Ihi sεan akk medden, armi sseggran nnig n wayen i yeḥwaǧen, ihi sennzen-t.

Imi yeṭṭuqet zzit di leswaq, tuder-d ssuma-s. Meεna seg tama-nneɣ nekni s yifellaḥen, mačči dayen yeffɣen fell-aɣ». Ikemmel deg wawal-is: « Amek akka segmi ara d-yali wass nekni d axeddim. Nqubel aṣemmiḍ, nerna leεtab n uleqqaḍ. Lameεna nesnuzu-t s 500 n yidinaṛen? Lameεna limer i d-tusa tmurt d tin iweqqmen, ilaq ur nettaf ara iεewwiqen am wigi. Ula d lbiε, ur nettaf ara iwumi ad t-nesenz ».

K. K.


Lire la suite sur La Dépêche de Kabylie.

Publier des annonces gratuites

Autres sites

Sciencedz.net : le site des sciences
Le site des sciences en Algérie


Vous cherchez un emploi? Essayer la recherche d'emploi en Algérie
Babalweb Annonces Babalweb Annonces
Petites annonces gratuites