Asalay Aḥmed Ẓabana deg tsuddiwin n usedwel

Ad yexdem usalay Ḥmed Zabana leqdic n tirza ɣer tsuddiwin n usedwel ɣef teɣzi n useggas-a aɣurbiz 2019 / 2020. Iswi n leqdic-agi, d asiweḍ n tmussniwin d ubaɣur d usekfel n wayen ilan assaɣ d usalay sɣur yinelmaden n yiɣerbazen. Rnu ɣer waya, d anekcum asensegman ara yeǧǧen inelmaden-a, ad idiren s wudem awaculan akked tgemmi tadelsant n tmetti i ten-yesduklen. Ɣef yiwen n yisali n usalay-a ibder-d “Ad yili usemres n wallalen n taywalt, akken ara d-gemren asegzi s telqey ɣef usalay akked ugama n talliyin yemxalafen n umezruy.

Tigawt-a tapidagujit, ad telḥu ɣef teɣzi n useggas-a aɣurbiz, u ad tḥaz tuget n yiɣerbazen n wakal n twilayt”. Asalay d allal abaɣuran, ɣef waya yettuneḥsab d aɛessas neɣ d amḥaddi ɣef tgemmi. Ɣef waya iɛeggalen ara yilin deg unnar, yewwi-d ad d-rren ɣef merra isteqsiyen i t-yerzan (asalay), acku yettuneḥsab d asuddu agejdan n yidles n talsa s umata. Rnu, d allal n taywalt i d-irennun tanafut (service) n usedwel iwumi srant yakk tewsatin tizuyaz.

D asalay anesbaɣur, llan daxel-is ukkuẓ n yibraḥen (éspaces) n yiḥricen yettwahdan i tẓuri yufraren, i (l’archeologie), i (l’ethnographie) tamaɣribit d tberranit, amezruy d ugama. I usmekti, azal n 14 000 n yimerza i yettwajerden sɣur Tanmehla n usalay Ahmed Zabana, deg kraḍ n wagguren n unebdu. Imasayen n usalay ssegzan-d ɣef waya, imi ddeqs n leqdicat idelsanen, gar-asen timsikniyin i d-yettwasuddsen sɣur usalay. Annect-a, yeǧǧa imerza ad d-skeflen tamlilt-ines tadelsant tasensegmant.

Akken daɣen simmal yettnernay umḍan n yimerza gar useggas d wayeḍ, imi ttwajerden 58 346 n yimerza deg 2018, gar-asen inelmaden, tiwaculin, iberraniyen d yisdawanen i d-yusan ad d-skeflen igerrujen ara ten-izegren ɣer umezruy d tgemmi n tmurt. Amḍan-a n yimerza yuli, ma nesserwes-it ɣer useggas n 2017, anida i d-rzan 43 726 n yimerza, akked 23 000 n yimerza deg 2016.

Khaled Achoui